Horse Blog

Tinatawag na Cowtown ang Calgary. Marami ata ang may idol kay John Wayne dito, kasi ang daming cowboys or wannabe cowboys. Sabagay may history naman talaga ang Calgary ng old frontier, kaya naman buhay na buhay dito ang mga cowboy hats, boots, denim at rodeo. Pati country music, buhay na buhay dito. Isipin pa na may sampung araw sa isang taon, sa kalagitnaan ng summer, may fiesta silang tinatawag nilang Stampede. Sampung araw na nakasuot ng cowboy ang mga tao, pwedeng mag-inuman kahit na may pasok at usong-usong pulutan yung tinatawag nilang prairie oysters. Sa Stampede Park grounds, andun lahat ng carnival rides, may horse races, chuckwagon races, rodeo shows, may mga cow at dog shows at kung ano-ano pang concerts. Masaya kapag Stampede, halos lahat ng kumpanyang malalaki nagpapa-Stampede breakfast ng libre hindi lang para sa mga empleyado kundi para sa kung sino mang gustong makikain ng libre. Ano hinahanda nila? Pancakes na may maple syrup, hash browns, sausages, bacon, at kung ano-ano pang “cowboy food”. Bukod sa umuulan ng beer, dun ako masaya - sa libreng pagkain. hehehehe